जनकपुरधाम । सप्तरीको राजगढ गाउँपालिका–२ कमलपुरमा मदिरा तस्करी गर्ने समूह र प्रहरीबीच भएको झडपमा गोली लागेर एक जनाको मृत्यु भएको छ ।
गोप्य सूचनाका आधारमा प्रहरी टोली कमलपुर पुगेपछि तस्कर समूहले आक्रमण गरेको थियो । आत्मरक्षाका लागि प्रहरीले चलाईको गोली लागेर स्थानीय लालु यादव घाइते भए ।
सप्तरी प्रहरीका प्रवक्ता डीएसपी जितेन्द्रकुमार बस्नेतका अनुसार यादवको तिघ्रामा गोली लागेको थियो । उनलाई उपचारका लागि गजेन्द्रनारायण सिंह अस्पताल, राजविराज ल्याइए पनि उपचारकै क्रममा उनको मृत्यु भएको हो ।
